KLEI BHIAN MNUIH

ASAP MTHAO KLEI BHIAN MNUIH HDIP KO TAR ALA

Hrue 10 mlan 12 thun 1948.

Klei kma blu

Koyua klei thao kral ko klei yuom knuih ghum, klei mtap mdor, leh anan klei amao dui bi ktlah klei gal mnuih mong jih jang djue ana jing phun yuom ko klei engie, klei djo leh anan klei edap enang hlam lan ala.

Koyua klei dlang ho-ai mang, leh anan bi emut ko klei gal mnuih mao truh leh klei nga mak bai jing do bi jhat klei min jak mnuih, leh anan klei mko mjing ko sa boh lan ala anok djue ana mnuih sorang mao klei hok moak hlam klei engie blu tlao, leh anan klei dao, klei engie mong klei hui hyut, leh anan klei kbah, mao hun mdah hong klei tu-u ko nu jing klei khap ciang anak mnuih prong sonak.

Koyua nu jing do yuom, ciang ko dam mnuih min ko klei kgu mblah jing do yua knhal tuic pioh bi kdong hong phung knuk kna mak bai ktu jua, sonan yoh klei gal mnuih brei mao he klei mgang mong phun brua klei bhian.

Koyua nu jing do yuom pioh bi mdi klei mko mjing hlam klei mje mjuk mjing bing gap ti krah lu car ala.

Koyua phung mnuih ti But Car Hgum, lo bi msit leh hlam Hra Brei Klei Bhian Epul ko klei dinu knang ko phun yuom hlam klei gal mnuih, hlam knuih ghum leh anan klei yuom ko sa co anak mnuih, leh anan hlam klei mtap mdor ko klei gal phung ekei leh anan phung mnie, jing do pioh bi mdi klei di kyar buon sang bi mao klei hdip mda jak hlam klei engie prong hin.

Koyua phung car jing asei mlei But Car Hgum mao buan leh ko dinu sorang mao klei tu dun, hlam klei bi mguop hong But Car Hgum, pioh bi mdi klei mpu leh anan klei dja krong klei gal mnuih leh anan phun yuom klei engie hlam tar bar anok.

Koyua klei thao sang ko klei gal leh anan klei engie jing sa klei yuom prong sonak ko klei bi msit klei buan anei

Ara anei, koyua anan yoh, Epul Hgum Prong

Hun mdah hong klei tu-u Asap Mthao Tar Bar Klei Bhian Mnuih Hdip anei jing mse si boh mnga tu dun ko jih jang anak mnuih hlam djap car, ciang ko knhal tuic grap co mnuih leh anan grap buon sang mnuih, dja pioh Asap Mthao anei nanao hlam klei min, sorang gir hlam klei mto mblang leh anan bi hriam mjuat pioh bi mdi klei mpu ko klei gal leh anan klei engie anei leh anan koyua nu di hrie ko klei jing yuom, hlam car po leh anan car tac engao, brei jih jang mnuih tar bar anok, wat ti krah phung mnuih hlam car mut But Car Hgum mbit hong phung mnuih hlei car ala dok ti gu klei kia krie dinu, brei dru mgang, thao kral kla leh anan krong ksiem.

Atut 1

Jih jang mnuih kkieng mao klei engie leh anan klei mtap mdor hlam knuih ghum leh anan klei gal. Arang brei ko dinu klei min thao bi gal leh anan klei min thao buh do soh hong djo sonan brei dinu bi dok dong bong hua hdang po mse si ayong adei sa ami ba.

Atut 2

Grap co mnuih mao klei dui yua jih klei gal leh anan klei engie mao cuan cih brei leh hlam Asap Mthao anei, amao bi kah koyua klei jing mde, mse si djue ana, klit kliang, ekei mnie, klei blu, klei kkuh mpu, klei kdi car amaodah klei min mde, car kwar amaodah buon sang phun, ngan kdrap, klei kkieng amaodah klei yuom mkan.
Kdlun hin, amao mao klei bi kah mde koyua elan hdra kdi car, klei bhian kia krie amaodah kbia mong car tac engao amaodah lan nu dok, amao uen ko car anan engie, ti gu klei dui car tac engao, amao mao knuk kna hjan amaodah ti gu klei kuan kia krie car mkan.

Atut 3

Grap co mnuih mao klei gal ko klei hdip, klei engie leh anan klei mgang asei mlei po.

Atut 4

Amao mao sa co mnuih sorang dui mjing ko hlun amaodah yua mse si hlun; klei jing hlun leh anan klei chi hlun sorang kam hlam djap elan hdra.

Atut 5

Amao sa co mnuih dui ma tu klei bi kmhal hong klei cam bieng rua asei mlei amaodah klei jhat bai mse si amao djo mnuih amaodah bi mtrun he klei hdip sa co mnuih hong klei bi kmhal.

Atut 6

Grap co mnuih mao klei gal ko klei thao kral mse si sa co anak mnuih ti anap klei bhian hlam djap anok.

Atut 7

Jih jang mnuih mao klei mtap mdor ti anap klei bhian leh anan dui ma tu klei mgang mong klei bhian amao mao klei bi kah koyua klei jing mde. Jih jang mnuih mao klei mtap mdor hlam klei mgang pioh kdong hong djap klei bi kah koyua nu soh hong Asap Mthao anei leh anan pioh kdong hong djap mta klei mtrut mchar ko klei bi kah mse sonan.

Atut 8

Grap co mnuih mao klei gal ko klei dong mkra mong phung knhao hlam sang phat kdi car po todah nu nga soh koyua phun yuom klei gal cuan brei leh ko nu tui hlue hong phun klei bhian.

Atut 9

Amao mao sa co mnuih arang dui ma kru tui si ciang, kru kong amaodah mgo kbia due mong car po.

Atut 10

Grap co mnuih dui mao klei mtap mdor ko klei bi blu kdi ti anap mnuih lu hong klei kpa hlam sang phat kdi hjan amaodah sang phat kdi mbit hong po mkan, pioh bi msit ko klei gal leh anan klei mgo nu leh anan ya klei soh arang chal nu nga.

Atut 11

1. Grap co hlei po arang sorang bi kmhal koyua nga soh mao klei gal yap hcih tol truh hrue arang bi msit nu jing soh tui si klei bhian bi blu ti anap mnuih lu ti anok po soh anan dui mao klei buan ko jih jang do nu dui yua pioh blu mgang ko klei soh nu
   


2. Amao mao sa co dui yap soh ko ya klei soh tu klei bi kmhal koyua klei nu nga amaodah amao tui hlue todah klei anan arang amao mao cih pioh hlam hdruom klei bhian tu klei bi kmhal car po amaodah car tac engao ti mong nu nga soh. Kan dui lei lo bi kmhal ktro hin ko klei arang cuan mka brei leh ko klei soh anan ti mong nu nga soh.
   

Atut 12

Amao mao sa co mnuih arang dui bi kpak tui si ciang hlam klei hdip hjan, gap djue, puk sang amaodah hra moit nu, kan dui lei bi jhat knuih mpu leh anan knuih hing nu. Grap co mnuih mao klei gal ko klei mgang mong klei bhian pioh bi kdong hong klei bi kpak amaodah klei nga jhat mse sonan.

Atut 13

1. Grap co mnuih mao klei gal ko klei engie due hiu ebat leh anan mbe anok dok hlam krah knong lan car po.
   


2. Grap co mnuih mao klei gal kbia due mong car nu dok, wat mong car nu po, leh anan lo wit dok car po.
   

Atut 14

1. Grap co mnuih mao klei gal due mbang leh anan hduah klei edap enang hlam car mkan koyua klei arang nga jhat.
   


2. Klei gal anei amao dui yua oh ko hlei po nu arang tui duah ciang bi msit klei soh nu tuom nga amao djo hlam kdi car amaodah mde hong klei ciang leh anan klei bhian But Car Hgum.
   

Atut 15

1. Grap co mnuih mao klei gal dui jing djue mnuih ti car nu dok hdip.
   


2. Amao mao sa co mnuih arang dui ma due djue mnuih nu jing amaodah mkhu klei gal nu dui bi mlih djue mnuih nu po.
   

Atut 16

1. Phung ekei leh anan mnie hlei po truh thun hlak ai, amao kuan ruah koyua djue ana mde, djue mnuih amaodah klei kkuh mpu, mao klei gal dui bi dok ung mo leh anan mjing gap djue. Dinu dui mao klei mtap mdor ko klei gal bi dok ung mo, ejai mong dinu dok mbit leh anan ti mong dinu bi lui.
   


2. Klei bi dok ung mo dui yap sit todah jih dua nah bi tu-u hong klei engie.
   


3. Gap djue jing bhian mnuih leh anan phun yuom ko buon sang sonan nu dui mao klei mgang mong buon sang leh anan car po.
   

Atut 17

1. Grap co mnuih mao klei gal kuan ngan kdrap hjan nu amaodah mbit hong epul mnuih mkan.
   


2. Amao mao sa co mnuih arang dui ma due klei gal kuan ngan kdrap nu tui si ciang.
   

Atut 18

Grap co mnuih mao klei gal ko klei min engie, klei thao sang leh anan klei kkuh mpu; klei gal anei bi mut mbit hong klei engie bi mlih klei kkuh mpu amaodah klei dao, hjan amaodah mbit hong epul mnuih mkan, ti anap mnuih lu amaodah hjan, dui pok mblang klei kkuh mpu amaodah klei dao nu hong klei mto mblang, bi mjuat, kkuh mpu leh anan rang krie.

Atut 19

Grap co mnuih mao klei gal ko klei engie bi edah klei min leh anan klei blu djo; klei gal anei djo mbit hong klei engie dja pioh klei min djo anan amao dui bi kpak mong hlei po leh anan dui hiu duah, ma tu, brei klei mrao mrang, klei min djo ko phun brua kap cih klei mrao mrang amao uen ko knong lan.

Atut 20

1. Grap co mnuih mao klei engie ko klei bi kbin hong klei edap enang leh anan klei mko mjing epul.
   


2. Amao mao sa co mnuih arang dui duah mnec amao brei go mut hlam sa epul mko mjing.
   

Atut 21

1. Grap co mnuih mao klei gal ma brua hlam knuk kna car po, akao nu po amaodah buon sang ruah jing po bi ala hong klei engie
   


2. Grap co mnuih mao klei gal ko klei mtap mdor dui ma tu klei dru mong phun brua dru buon sang hlam car po.
   


3. Klei khap ciang mnuih buon sang sorang jing phun yuom ko phung ma brua hlam knuk kna; klei khap ciang anei tap nang dui pok mdah hong klei bi ruah kpa mtap mdor mong jih jang mnuih leh anan tui hlue klei bhian ple hra hong klei hgam amaodah mjing elan hdra mkan mse sonan.
   

Atut 22

Grap co anak buon sang mao klei gal ko klei dru mgang klei knap mong phun brua buon sang leh anan dui thao kral mong phun brua hlam car po, phun brua hgum mong car tac engao tui si klei mko mjing phun brua pioh dru leh anan ngan dun hlam grap boh car, klei hduah bong hua leh anan klei hdip mda buon sang jing yuom sonak ko knuih ghum nu leh anan klei engie hlam klei bi mdi kyar asei mlei nu po.

Atut 23

1. Grap co mnuih mao klei gal ma brua, klei engie ruah brua, tui hlue brua jak leh anan djo hong ai tie khap, ciang dui mgang ko klei luc brua.
   


2. Grap co mnuih amao dlang ko klei jing mde, nu mao klei gal ko klei mun mtap mdor todah brua ma mse.
   


3. Grap co mnuih hlei ma brua mao klei gal ko klei mun apah brei djo hnong mka ciang ko dui ciem rong nu po leh anan mo anak, bi nang hong klei yuom anak mnuih dok hdip hong knuih ghum, leh anan lo mdi klei dru todah kbah, hong klei dru mkan pioh dru buon sang.
   


4. Grap co mnuih mao klei gal mko mjing leh anan mut hlam epul hgum hlam klei chi mnia pioh mgang klei dun nu.
   

Atut 24

Grap co mnuih mao klei gal ko klei mdei leh anan due hiu chun, djo mbit hong klei jak pioh kuan mong ma brua, tap nang hrue mdei jih jang brei mao klei mun apah mse moh.

Atut 25

1. Grap co mnuih mao klei gal ko klei hdip djap hnong ko klei suaih pral leh anan klei hdip mda jak ko nu po mbit hong gap djue mo anak nu, mse si mnong bong hua, chum ao cut ho-o, sang dok anok dam, ea drao gun, do do yuom pioh yua hlam buon sang, leh anan klei gal dui ma tu klei dru todah luc brua ma, rua duam, amao dui lo ma brua, mnie mlao, khua asei amaodah klei kbah mkan hlam elan klei hdip mse si klei truh egao hin ko go dui nga.
   


2. Phung ami leh anan anak mda mao klei gal ko klei krie leh anan dru mde hjan dinu. Jih jang phung hdeh, kkieng mao ami ama amaodah ba pum, sorang dui ma tu klei dru mong buon sang mse.
   

Atut 26

1. Grap co mnuih mao klei gal ko klei hriam hra mo-ar. Klei hriam hra mo-ar amao sorang mun apah oh, bia edi ti hnong phun yuom dong mong adu sa truh ko adu nam. Ti hnong phun yuom anei jih jang hdeh sorang nao hriam hong klei mtrut. Klei hriam hlam brua leh anan ciang jing sa co knhao arang sorang nga brei sang hriam bi klei hriam ti dlong hin arang sorang mko mjing brei anok hriam ciang ko phung knhao dui nao hriam hong klei mtap mdor.
   


2. Klei hriam hra mo-ar arang sorang ktrao brei truh ko hnong knhal tuic anak mnuih dui hriam leh anan ciang ko dui bi ktang hlam klei mpu ko klei gal anak mnuih leh anan phun yuom klei engie. Nu sorang bi mdi klei thao sang, bi mtrun klei bi kdong leh anan bi mdi klei mje mjuk bing gap ti krah djap car ala, djue mnuih amaodah epul dao, sorang bi mdi kdlun hin hlam brua But Car Hgum ciang ko dui dja krong klei edap enang.
   


3. Phung ami ama mao klei gal tal sa dui ruah klei hriam hra mo-ar ko phung anak co dinu.
   

Atut 27

1. Grap co mnuih mao klei gal hong klei engie bi hgum hlam klei bhian hdip buon sang nu dok mbit, dun klei hok moak hlam klei knhao duah mjing mnong leh anan bi mbha klei di kyar hlam klei duah mjing mnong leh anan dun boh mnga mong do-do mjing leh.
   


2. Grap co mnuih mao klei gal pioh mgang klei thao buh klei djo amaodah soh leh anan do-do nu ciang mjing kbia hrie mong klei hriam duah, hlam hra moar amaodah kbia jing mnong mnua ko tac koyua nu jing po mjing.
   

Atut 28

Grap co mnuih dui yua klei gal mnuih hlam buon sang po amaodah hlam car tac engao ti anok arang thao kral hong mpu ko klei gal leh anan klei engie mao cuan cih brei leh hlam Asap Mthao anei.

Atut 29

1. Grap co mnuih mao klei krong mto mblang ko buon sang koyua ti anok nu dok tap nang hjan nu yoh thao ko klei engie leh anan tuom prap emiet asei mlei po kjap phit.
   


2. Hlam klei yua klei gal leh anan engie, grap co mnuih brei yua tui si hnong klei bhian kuan brei leh, knong yua ciang krong pioh klei thao kral leh anan klei mpu ko klei gal, klei engie mnuih mkan bi djo hong klei cuan brei leh ko klei thao buh djo soh, klei bhian buon sang leh anan klei jak moak buon sang hong klei bi knar.
   


3. Jih jang klei gal leh anan klei engie anei amao dui bi mjuat pioh yua mde hong klei ciang leh anan klei bhian But Car Hgum oh.
   

Atut 30

Amao mao sa boh car, sa epul mnuih amaodah sa co mnuih dui mblang sa klei gal hlam Asap Mthao anei pioh yua amaodah nga sa elan hdra ciang bi rung amaodah bi rai klei gal leh anan klei engie mao cuan cih brei leh ti anei.