Si Jing Montagnard Foundation, Inc
Montagnard Foundation, Inc, pia klei blŭ drei jing Ðegar Atur Mphun, jing sa klei mkŏ
mjing hlăm klei krŭ pioh đru bruă djuê ana Ðegar drei, čiang
kơ drei dưi mau klei êngiê kơ drei pô.
Klei Mkŏ Mjing K ơ Bruă Anei
Thŭn 1972 Aê khua Păn Akŏ klei kru FULRO, Y-Bham Eñuol mơit
Aê khua Kok Ksor mơng čar Kur hriê ti car Amerik anei čiang tui duah
êlan đru bruă krŭ Ðegar drei. Ti thŭn 1975 čar Kur lĕ
kơ Communist. Phung Khmer Hrah (Khmer Rouge) mdjiê hĕ Aê Khua Păn
Akŏ FULRO Y-Bham Eñuol mbit hŏng phung kru mkăn leh anăn jih găp
djuê digơ. Wat kơ jih klei truh msĕ sonan kơ Aê Khua Pan Akŏ
FULRO, Aê Khua Kok Ksor amâo mâo kdun ôh leh anăn kan ñu lui
rei klei ñu buăn leh ti anăp Aê Khua Păn Akŏ Y-Bham Eñuol.
Ňu mă bruă amâo mdei ôh hlong truh kơ ară anei.
Ti thŭn 1992, thâo klă kơ klei kru FULRO luc jih leh Aê khua Kok Ksor
mkŏ mjing êpul krŭ mrâo pia Montagnard Foundation, Inc. Klei kru anei
amâo yua phao ktuang mse klei kru FULRO ôh, biădah kñăm ktang hin
hlăm Klei bhiăn mnuih dưi ( Les droits de l'homme ---Human Rights )
Hdră Klei Čiang M ơ ng Ðegar Atur Mphun
Tui si klei ksiêm buh mơng Epul Ðegar Atur Mphun lu mnuih hlăm čar
tač êngao amâo thào klă ôh kơ klei anak Ðegar drei
mdê sơnak djuê ana hong phung Yuan. Lu mnuih hlăm čar tač
êngao yap kơ drei jing phung djuê hriêt (Ethnic Minority) Vietnam
đuič. Sơnan yơh Aê Khua Păn Ako Montagnard Foundation pok êlan
čiang bi êdah kơ čar tač êngao thâo bi klă kơ hlei
drei jing leh anăn hlong bi êdah kơ klei knap mñai mơng klei ktư
juă Yuan ngă kơ buôn sang, djuê ană drei.
Sơnan nu bi êdah klei anei:
- ti anăp UN hlăm klei bi kbin kơ djuê hriêt,
- ti ană p phung bi ala kơ grăp čar kwar
- ti anăp US- NGO
- ti anăp čar Ala Car Kluôm ( United Nations)
- ti anăp lu anôk mkan tui si êlan pok mrâo..
Klei yuôm hin, Atur Mphun Ðegar bi êdah ktang kơ čar tač êngao
klei bhiăn êngiê kơ grăp čô. Sơrăng mă
bruă mbit hong phung tar bar mdê čar čiăng bi êdah kơ klei
knap mnai mơng klei knuk kna Yuan ktu juă anak Ðegar. Mse mơh mă bruă
hong klei êngiê amâo yua klei bi blah ôh. Êpul Montagnard Foundation
êrô hiu lu anôk, lu čar kơ bruă čiăng mau êlan
đru anak buôn Ðegar.
Klei Yuan bi rai, ktu juă djuê ana Ðegar drei amâo sorăng ruĕ
tơdah drei amâo kgŭ kdơng leh anăn kwưh akâo klei dru
mơng tar bar lăn čar, mơng čar knhâo knhak hin. Atur Phun Ðegar
(Montagnard Foundation, Inc) tui duah nanao kơ ya êlan čiang bi msit klei
êngjê kơ grăp čô Ðegar, ciang mâo klei dưi anei
Atur Phun Ðegar mă bruă mbit hŏng phung mkŏ mjing hlăm klei
êngiê kơ pô tar bar lăn ala
|
HLEI HMEI JING 
